KIRURGJIA BARIATRIKE
Baypass-i Gastrik
Baypass gastrik, është metoda më e njohur dhe më e shpeshtë e kirurgjisë bariatrike. Bypass-i gastrik është një procedurë që kufizon marrjen e ushqimit duke zvogëluar volumin e stomakut dhe në të njëjtën kohë zvogëlon përthithjen e ushqimit duke çaktivizuar zorrën e hollë 100-150 cm.
Kirurgjia e bypass-it gastrik ka dy faza:
Në fazën e parë, stomaku tkurret. Një qese e vogël krijohet duke ndarë pjesën e sipërme të stomakut afër ezofagut me një stapler. Kjo qese ka përmasat e një mandarine.
Gjatë fazës së dytë, qesja gastrike e formuar është e lidhur me distalin e zorrës së hollë me një vrimë të vogël. Ushqimi do të shkojë në zorrën e hollë pa kaluar nëpër duoden dhe 100-150 cm të para të zorrës së hollë. Prandaj, do të konsumohet më pak ushqim dhe do të merren më pak kalori.
Bypass-i gastrik mund të kryhet me dy teknika, e hapur dhe laparoskopike, preferohet më shumë teknika laparoskopike. Përparësitë e laparoskopisë ndaj operacionit të hapur janë:
Qëndrim më i shkurtër në spital dhe shërim më i shpejtë.
Më pak dhimbje.
Shenja më të vogla (4-5 prerje 0,5-1 cm) dhe më pak rrezik për hernie ose infeksion.
75% e peshës së tepërt humbet brenda 1 viti pas operacionit. Gastric bypass (Bypass-i gastrik) përmirëson menjëherë mënyrën e jetesës së pacientit, jo vetëm sepse ndryshon pamja e jashtme e tij, por zvogëlohet një numër problemesh shëndeti prej të cilëve vuajnë pacientët obezë.
Së bashku me humbjen e peshës së tepërt, vërehet një përmirësim i dukshëm në sëmundjet që shoqërojnë obezitetin. Vetëbesimi kthehet. Përveç kësaj, pjesa më e madhe e dhimbjeve të gjurit dhe shpinës do të largohen vetë.
Përkundër operimeve tjera për humbjen e peshës, bypass-i gastrik paraqet rreziqe të lehta si reaksione alergjike ndaj përdorimit të ilaçeve, gjakderdhje, bllokim i zorres së hollë, probleme me frymëmarrjen.